اقوام متحدہ کے سیکرٹری جنرل کا نوول کرونا وائرس کی روک تھام کے لیے چین کے اقدامات پر اعتماد کا اظہار

اقوام متحدہ کے سیکرٹری جنرل انتونیو گوتریس نےسولہ تاریخ کو اسلام آباد میں ایک میڈیا بریفنگ کے دوران اس اعتماد کا اظہار کیا کہ چین کی جانب سے نوول کرونا وائرس کے انسداد کے لیے جاری اقدامات کے مثبت نتائج برآمد ہوں گے اور چین اس لڑائی میں فتح یاب ہو گا۔انہوں نے کہا کہ چین نے وبائی چیلنج کے پیش نظر انتہائی مضبوط اور متاثر کن اقدامات کیے ہیں۔

گوتریس نے مزید کہا کہ ایسی گھمبیر صورتحال میں فوری حل تلاش کرنا مشکل ہوتا ہے لیکن چینی حکومت نے بھرپور اقدامات کیے ہیں جس کی بدولت مرض کی روک تھام اور کنٹرول ممکن ہو سکے گا۔