جنوبی سوڈان کی نصف سے زیادہ آبادی قحط کا شکار بن جائے گی ،اقوام متحدہ اور جنوبی سوڈان حکومت کی مشترکہ رپورٹ

اقوام متحدہ کے فوڈ اینڈ ایگریکلچر آرگنائزیشن ، اقوام متحدہ کے بچوں کے فنڈ ، ورلڈ فوڈ پروگرام اور جنوبی سوڈان کی حکومت کی جانب سےمشترکہ طور پر حال ہی میں جاری کردہ ایک رپورٹ میں کہا گیا ہے کہ جنوبی سوڈان کی نصف سے زیادہ آبادی رواں سال مئی سے جولائی تک شدید قحط کا شکار بن جائے گی،اور یہ تعداد کم از کم پینسٹھ لاکھ تک ہوسکتی ہے۔

رپورٹ میں کہا گیا ہےکہ گزشتہ سال جنوبی سوڈان میں سیلاب سے متاثرہ علاقوں میں خوراک کی صورتحال شدید متاثر ہوئی ہے۔اسی سال جنوری میں جنوبی سوڈان کے پچاس لاکھ سے زائد افراد خوراک کی کمی کا شکار ہو گئے ہیں۔سیلاب ، بے گھر افراد، کئی علاقوں میں خراب سکیورٹی صورتحال، اقتصادی بحران اور فصلوں کی پیداوار میں کمی سمیت متعدد وجوہات کی بناپر خوراک کے ذخائر میں کمی اور خوراک کی قیمت میں اضافہ ہوگا۔ اندازے کے مطابق اس ماہ کے آخر تک قحط کی صورتحال مزید شدید ہونے کااندیشہ ہے۔

اس رپورٹ میں کہا گیا ہے کہ جنوبی سوڈان میں اس سال شدید غذائی کمی کے شکار بچوں کی تعداد 13 لاکھ تک پہنچ جائے گی۔