امریکہ میں کووڈ - ۱۹ کے تصدیق شدہ کیسز کی تعداد ایک لاکھ سے تجاوز کر گئی

جان ہاپکنز یونیورسٹی کے اعدادوشمار کے مطابق مشرقی امریکی وقت کے مطابق ستائیس تاریخ کی شام پانچ بج کر تیرہ منٹ تک امریکہ میں کووڈ - ۱۹ کے تصدیق شدہ کیسز کی تعداد 100717 ہو گئی جبکہ ہلاکتوں کی تعداد 1544تک جا پہنچی اور یومیہ نئے کیسز میں تقریباً بیس ہزار کا اضافہ ہوا ہے ۔

ستائیس تاریخ کی سہ پہر وائٹ ہاوس کی جانب سے جاری بیان میں کہا گیا کہ امریکی صدر ڈونلڈ ٹرمپ نے ایک صدارتی حکم نامے پر دستخط کئے جس کے تحت جنرل موٹرز سے وینٹیلیٹر کی تیاری کا مطالبہ کیا گیا ہے۔

دریں اثنا اسی دن ٹرمپ نے کانگریس میں منظور کردہ 2 ٹریلین ڈالر ز کے معاشی بل پر دستخط کیے ، جس میں بے روزگاری سے تحفظ کو یقینی بنانا ، صنعتی و کاروباری اداروں کے لیے قرضوں میں رعائت فراہم کرنا اور اسپتالوں ، ریاستوں اور بلدیاتی حکومتوں کو زیادہ طبی وسائل مہیا کرنا وغیرہ شامل ہیں ۔