شمالی کوریا کے سربراہ کم جونگ اُن بیس روز بعد منظر عام پر

یکم تاریخ کو شمالی کوریا کے سربراہ کم جونگ اُن بیس روز بعد پہلی مرتبہ منظر عام پر آئے اور انہوں نے فیتہ کاٹتے ہوئے کھاد کی ایک فیکٹری کا افتتاح کیا۔ملک کے سرکاری میڈیا کے مطابق تقریب میں شریک عوام نے کم جونگ اُن کا پرتپاک خیر مقدم کیا اور کھاد کی صنعت کو ترقی دینے میں اُن کے کردار کو بھرپور خراج تحسین پیش کیا۔

تقریب میں کم جونگ اُن کی بہن کم یو جونگ سمیت دیگر اعلیٰ حکام بھی شریک ہوئے۔میڈیا کے مطابق مذکورہ تقریب کا انعقاد محنت کشوں کے عالمی دن کی مناسبت سے کیا گیا تھا۔یاد رہے کہ شمالی کوریا کے سربراہ کم جونگ اُن بیس روز بعد منظر عام پرآئے ہیں