کووڈ-۱۹ کی وبائی صورتحال میں اقوام متحدہ کا اہم کردار مزید نمایاں ، اقوام متحدہ کی ۷۵ویں جنرل اسمبلی کے صدر کے امیدوار کا بیان

اقوام متحدہ کی ۷۵ویں جنرل اسمبلی کے صدر کے امیدوار ولکن بوزکر نے پندرہ تاریخ کو اقوام متحدہ کے رکن ممالک کے ساتھ ویڈیو لنک کے ذریعے بات چیت کرتے ہوئے کہا کہ کووڈ-۱۹ کی وبائی صورتحال میں اقوا م متحدہ اور متعلقہ اداروں کا اہم کردار مزید نمایاں ہورہا ہے۔کورونا وائرس کی کوئی سرحد نہیں ہے اور یہ کسی آبادی میں تمیز نہیں کرتا ،اس لئے اس کے خلاف جدوجہد کے دوران الزام تراشی سے گریز کرنا چاہیئے۔

ولکن بوزکر کا تعلق ترکی سے ہے۔ شیڈول کے مطابق وہ بارہ جون کو منعقد ہونے والی اقوام متحدہ کی جنرل اسمبلی کی کانفرنس میں صدر منتخب ہوں گے اور پندرہ ستمبر کو باقائدہ طور پر عہدے کا حلف اٹھائیں گے۔