ترقی کے مخصوص ہدف کے تعین کے بغیر بھی چینی حکومت کے ترقیاتی اہداف واضح ہیں

سنگاپور کی ساؤتھ سی سوسائٹی کے نائب سربراہ شو زین ای نے رواں سال چینی حکومت کی ورک رپورٹ پر تبصرہ کرتے ہوئے کہا کہ معیشت کی ترقی کے ہدف کا تعین نہ کرنے سے ظاہر ہوتا ہے کہ چینی حکومت ایک ذمہ دار حکومت ہے ۔ اس کے ساتھ ساتھ اس سے وبا کے تناظر میں چینی معیشت کی ترقی کے استحکام اور عوام کی زندگی کی حفاظت کے پختہ عزم کا بھی اظہار ہوتاہے ۔ جناب شو نے کہا کہ معیشت کی ترقی کے ہدف کو متعین نہ کرنے کا مطلب یہ نہیں کہ چینی حکومت نے اپنے لیے ترقیاتی ہدف کو طے نہیں کیا ہے ۔ چینی حکومت کی ورک رپورٹ سے ظاہر ہوتا ہے کہ چینی حکومت کےا ہداف بہت واضح ہیں کہ چھ پہلووں کی ضمانت سے معاشی و معاشرتی ترقی کو مستحکم کیا جائے گا اور عوامی زندگی کا تحفظ بھی کیا جائے گا ۔شو کے مطابق چینی حکومت نےخوشحال معاشرے کی ہمہ گیر تعمیر کی تکمیل کے طے کردہ ہدف میں تبدیلی نہیں کی ہے ۔ شو نے کہا کہ حالیہ برسوں کے دوران چین نے غربت کے خاتمے کے حوالے سے بڑی پیش رفت حاصل کی ہے ۔ ۲۰۲۰ خوش حال معاشرے کی ہمہ گیر تعمیر کی تکمیل دنیا کی ترقی کے لیے بڑی اہمیت کی حامل ہوگی ۔