مختلف ممالک کو صحت عامہ کے اخراجات میں کمی کرکے معاشی بحران کا جواب نہیں دینا چاہئے ۔عالمی ادارہ صحت کے یورپی خطے کے سربراہ

عالمی ادارہ صحت کے یورپی آفس کے ڈائریکٹر ہنس کروگر نے 28 تاریخ کو ایک پریس کانفرنس میں متنبہ کیا ہے کہ اگر چہ کووڈ-۱۹ یورپی معیشت میں کساد بازاری کا باعث بنا ہے ، لیکن مختلف ممالک کو صحت عامہ کے اخراجات میں کمی کرکے معاشی بحران کا جواب نہیں دینا چاہئے۔

ہنس کروگر نے کہا کہ یورپ معاشی بحران کا شکار ہے۔ یورپی یونین کی پیش گوئی کے مطابق ،وبا پر قابو پانے کی صورت میں بھی رواں سال یورپی یونین کی جی ڈی پی تقریبا سات اعشاریہ پانچ فیصد گھٹ جائے گی ، جو 2008 کے عالمی مالیاتی بحران کی سطح سے کہیں زیادہ ہے۔ ڈبلیو ایچ او نہیں چاہتا کہ یورپی ممالک صحت کے اخراجات میں کمی کرتے ہوئے اس بحران کا جواب دیں۔

یورپ کی وبائی صورتحال کے بارے میں ، کروگر نے کہا کہ ڈبلیو ایچ او کے یورپی خطے کے 53 ممالک میں کووڈ-۱۹ کے 20 لاکھ سے زیادہ کیسز ، اور 175،000 سے زیادہ ہلاکتیں رپورٹ ہوئی ہیں۔پچھلے دو ہفتوں کے دوران ، یورپ میں نئے کیسوں میں 15 فیصد اضافہ ہوا ہے۔