سوشل میڈیا پر ٹرمپ کو احتجاج پر ریمارکس بند کرنے چاہئیں ،اٹلانٹا کی میئر

مقامی وقت کے مطابق اکتیس مئی کو اٹلانٹا کی میئر کیشا لانسے بوٹمز نے سی این این کے ایک پروگرام کو انٹرویو میں امریکی صدر ٹرمپ پر تنقید کرتے ہوئے کہا کہ ان کے بیانات نے امریکہ میں نسلی کشیدگی کوبڑھا دیا ہے۔کیشا بوٹمز نے کہا کہ "انہیں بات کرنی چھوڑنی چاہئے۔ ان کے ریمارکس سے حالات مزید خراب ہوسکتے ہیں۔ مجھے امید ہے کہ وہ خاموش رہیں گے۔"

ٹرمپ نے حال ہی میں ٹیویٹر پر سلسلہ وار بیانات دیے ، جس میں جمعہ کی شب وائٹ ہاؤس کے باہر سیکریٹ سروس کی حفاظت کرنے پر ان کی تعریف کی گئی تھی ، جب جارج فلائیڈ کے سوگ کے لئے وائٹ ہاؤس کے باہر مظاہرین جمع ہوئے تو ٹرمپ نے کہا کہ کتے اور ہتھیار دروازے کے اندر انتظار کر رہے ہیں۔

مقامی وقت کے مطابق 31 مئی کو ، امریکی صدر ٹرمپ نے سوشل میڈیا پر پوسٹ کیا کہ وہ بائیں بازو کی " انٹی فاشسٹ تحریک" (ANTIFA) کو دہشت گرد تنظیموں کی فہرست میں شامل کریں گے۔ ٹرمپ نے کہا ہے کہ پرتشدد مظاہروں کے پیچھے امریکہ کے بائیں بازو کے انتہا پسندوں کا ہاتھ ہے ۔