ماحولیات کے عالمی دن کی مناسبت سے کولمبیا میں تقریب کا انعقاد

پانچ جون کو ماحولیات کے عالمی دن کی مناسبت سے ایک اہم سرگرمی کولمبیا میں منعقد ہوئی ۔ اقوام متحدہ کے سیکرٹری جنرل انتونیوگوئترس نے تقریب سے خطاب کرتے ہوئے کہا کہ موجودہ وبا نے انسانیت کو خبردار کیا ہے کہ انسانیت کی بقاء کے لیے فطرت کا تحفظ لازم ہے۔ بہترین حیاتیاتی ماحول اور حیاتیاتی تنوع انسانیت کی پائیدار ترقی کی بنیادی ضمانت ہے ۔ پوری عالمی برادری کو اس مقصد کے لیے مل کر کام کرنا چاہیے۔ عالمی یوم ماحولیات منانے کا مقصد فطرت کے تحفظ کے ہدف کی تکمیل کے لیے موئثر ذرائع تلاش کرنا ہے۔ اقوام متحدہ کے ماحولیاتی پروگرام کے سربراہ ،برطانیہ ، جرمنی ، کولمبیا کے وزرائے ماحولیات سمیت اہم شخصیات نے بھی تقریب میں شرکت کی اور وبائی صورتحال کے تناظر میں اقوام متحدہ اور متعلقہ ممالک کے ماحول کے تحفظ سےمتعلق طے کردہ اہداف کی تکمیل سے متعلق تبادلہ خیال کیا گیا۔