نسل پرستی اور معاشرتی عدم مساوات کی وجہ سے وبا کے دوران نسلی اقلیتیں زیادہ متاثر ہوئی ہیں،برطانوی میڈیا

  مقامی وقت کے مطابق تیرہ تاریخ کی  بی بی سی کی رپورٹ کے مطابق ، پبلک ہیلتھ ایجنسی آف انگلینڈ کی ایک رپورٹ میں بتایا گیا ہے کہ نسل پرستی اور معاشرتی عدم مساوات کی وجہ سے افریقی اور ایشیائی سمیت دیگر اقلیتی گروہوں کے  کورونا  وائرس سے متاثر ہونے اور ہلاک ہونے  کا خطرہ زیادہ ہے۔

رپورٹ میں کہا گیا کہ نسل پرستی اور صحت اور علاج کے ناقص تجربے کی وجہ سے نسلی اقلیتوں کو ضروری طبی امداد اور صحت سے متعلق تحفظ کا سامان حاصل کرنے کا امکان کم رہتا ہے ، جس کی وجہ سے  ان کے بیمار ہونے  اور ہلاک ہونے کا خطرہ بھی بڑھ جاتا ہے۔ اس کے علاوہ دوسرے عوامل میں اقتصادی اور معاشی عدم مساوات ، اور پیشہ ورانہ عوامل بھی شامل ہیں۔

پچھلے مطالعوں سے یہ بات سامنے آئی ہے کہ افریقی ، ایشیائی اور دیگر نسلی اقلیتوں میں عام طور پر سفیدفام گروپ کے مقابلے میں کورونا وائرس سے ہلاک ہونے  کا  امکان زیادہ رہتا ہے۔ بنگلہ دیشیوں کی ہلاکت کا خطرہ سفید فام نسلوں کے مقابلے میں دوگنا ہے ،جبکہ افریقی اور ایشیائی نسلی گروہوں کی  ہلاکت کا خطرہ بھی  سفید فام کے مقابلے میں 10٪ سے 50٪  تک زیادہ ہے۔