کووڈ-۱۹ کا وائرس ممکنہ طور پر گذشتہ سال دسمبر میں شمالی اٹلی میں پھیلنا شروع ہوگیا تھا ،عالمی ادارہ صحت کے ماہر

گذشتہ سال دسمبر میں شمالی اٹلی کے شہر کے  گندے پانی کے نمونوں میں کورونا وائرس کے آر این اے  ٹکڑوں کو دریافت کیا گیا ہے۔ اس حوالے سے مقامی وقت کے مطابق، بائیس تاریخ کو عالمی ادارہ صحت کے ایمرجنسی پروگرام کے سربراہ مائیکل ریان نے کہا کہ یہ ایک اہم دریافت ہے جس پرمزید تحقیق کی ضرورت ہے۔ ممکن ہے کہ کووڈ-۱۹ کا  وائرس گذشتہ سال دسمبر میں شمالی اٹلی میں پھیلنا شروع ہوگیا تھا ، تاہم اس وقت کسی کو پتہ نہیں تھا۔ سوال یہ ہے کہ امپورٹڈ کیسز سے قبل مقامی ماحول میں وائرس کا کتنا وجود تھا ، اور اس نے معاشرے میں وبا پھیلانے میں کتنا کردار ادا کیا ہے۔