ڈبلیو ایچ او رواں برس کے اواخر تک کووڈ۔19 ویکسین کی تیاری سے متعلق پر امید

ڈبلیو ایچ او کی جانب سے تین تاریخ کو جنیوا میں میڈیا بریفنگ کے دوران اس امید کا اظہار کیا گیا ہے کہ نوول کورونا وائرس کے خلاف ویکسین رواں برس کے اواخر تک تیار کر لی جائے گی تاہم عالمی ادارے کی جانب سے کسی حتمی وقت کا تعین نہیں کیا گیا ہے۔

 عالمی ادارہ صحت کے ڈائریکٹر جنرل ٹیڈروس ایڈہانوم گیبریسس  نے کہا کہ ڈبلیو ایچ او اس حوالے سے تمام متعلقہ صنعتوں سے قریبی رابطے میں ہے تاکہ مستقبل میں ویکسین کی شفاف سپلائی اور تقسیم کو یقینی بنایا جا سکے۔ ٹیڈروس نے مزید کہا کہ ڈبلیو ایچ او کی سربراہی میں آزمائشی مرحلے میں فی الحال انتالیس ممالک اور خطوں سے ساڑھے پانچ ہزار مریضوں کو شامل کیا گیا ہے اور ابتدائی نتائج آئندہ دو ہفتوں میں سامنے آئیں گے۔

ڈبلیو ایچ او کے ہنگامی پروگرام کے سربراہ مائیکل ریان کے مطابق ویکسین کی تیاری کے بعد عالمی سطح پر بڑھتی ہوئی طلب کو پورا کرنا اصل مسئلہ ہو گا۔