عالمی قائدین کا انسداد وبا میں تعاون پر زور

انٹرنیشنل لیبر آرگنائزیشن کی جانب سے آٹھ سے نو تاریخ تک ایک آن لائن سمٹ کا انعقاد کیا گیا جس میں عالمی قائدین نے وبا سے نمٹنے کے لیے تعاون کی اپیل کی ہے۔
اقوام متحدہ کے سیکرٹری جنرل انتونیو گوئتریس نے اپنے خطاب میں کہا کہ کوئی بھی ملک وبا  سے تنہا نہیں نمٹ سکتا ہے بلکہ  مشترکہ کوششوں سے ہی اس بحران سے بہتر طور پر نمٹا جا سکے گا۔
عالمی مالیاتی فنڈ کی سربراہ کرسٹا لینا جیارجیوا نے کہا کہ موجودہ صورتحال میں پائیدار ترقیاتی طریقے اپنائے جائیں جب کہ عالمی تجارتی تنظیم کے سربراہ رابرٹو ایزی ویدو نے  تجارتی رکاوٹوں کے خاتمے اور کھلے پن کو برقرار رکھنے پر زور دیا۔