عالمی ادارہ صحت کا وبا کی روک تھام و کنٹرول کے لیے موئثر اقدامات پر زور

تیرہ تاریخ کو عالمی ادارہ صحت کے ڈائریکٹر جنرل ٹیڈروس ایڈاہانوم گیبریسس نے ایک پریس کانفرنس میں خبردار کیا کہ اگر مختلف ممالک کی جانب سے وبا کی روک تھام اور کنٹرول کے لیے سخت اقدامات کی پابندی نہ کی گئی تو دنیا بھر میں وبائی صورتحال مزید بگڑ جائے گی۔انہوں نے کہا کہ وبا کا مرکز بدستور امریکی خطہ ہے ، امریکہ میں مصدقہ کیسوں کی کل تعداد عالمی سطح پر مجموعی تعداد کے نصف سے زائد ہے۔ انہوں نے مزید کہا کہ فوری طور پر ماضی کے معمولات پر واپس لوٹنا ممکن نہیں ہے۔ٹیڈروس نے انسداد وبا کے لیے تین اہم نکات کو کلیدی قرار دیا۔ جن میں شرح اموات میں کمی اور وائرس کے پھیلاو کا سدباب ، سماجی اعتبار سے ذاتی حفاظتی اقدامات کا فروغ اور حکومتی سطح پر جامع اقدامات کی ضرورت و اہمیت شامل ہیں۔عالمی ادارہ صحت کے ہیلتھ ایمرجنسی پروگرام کی تکنیکی ڈائریکٹرنے میڈیا کو بتایا کہ کووڈ-۱۹ سے متاثرہ مریضوں میں صحت یابی کے بعد کسی حد تک قوت مدافعت بڑھ جاتی ہے لیکن ابتدائی تحقیق سے پتہ چلتا ہے کہ ایسے مریضوں میں قوت مدافعت چند ماہ میں رفتہ رفتہ کمزور ہو جاتی ہے۔