چین۔امریکہ تعلقات میں بگاڑ امریکی معیشت کے لیے نقصان دہ ، امریکی ماہر

امریکہ کی یالے یونیورسٹی میں سینئر محقق اسٹیفن روچ نے چار تاریخ کو سی این این سے بات چیت میں کہا کہ امریکی وزیر خارجہ مائیک پومپیو سمیت دیگر انتظامی اہلکاروں نے گزشتہ عرصے میں تواتر سے چین مخالف بیانات دیے ہیں۔اُن کے بیانات سازشی نظریات اور حقائق سے عاری ہیں۔روچ کے خیال میں اعلیٰ امریکی عہدہ داروں کی غلط روش کا مقصد انسداد وبا میں اپنی ناکامی کا ملبہ چین پر ڈالنا ہے جس سے چین۔امریکہ تعلقات متاثر ہوئے ہیں۔انہوں نے مزید کہا کہ امریکی عہدے دار چین۔امریکہ اقتصادی و تجارتی تعلقات کے اہم ترین نکتے کو بھی نظر انداز کر رہے ہیں کیونکہ فریقین کے درمیان تجارتی خسارے کے اثرات صرف دونوں ممالک تک ہی محدود نہیں ہیں بلکہ دیگر ممالک بھی اس سے متاثر ہوں گے۔روچ نے مزید کہا کہ مائیک پومپیو چین مخالف سازشی نظریات کی حکمت عملی پر عمل درآمد کو ہوا دے رہے ہیں جبکہ ان امریکی سیاستدانوں کے دعوے "ملکی سیاست" کے گرد گھومتے ہیں۔ چین اور امریکہ کا اقتصادی اعتبار سے ایک دوسرے پر دارومدار ہے لہذا تعلقات میں بگاڑ سے امریکی معیشت غیر مستحکم صورتحال سے دوچار ہو سکتی ہے۔