آر سی ای پی کے وزارتی اجلاس کا انعقاد

علاقائی جامع اقتصادی شراکت داری کے معاہدے یعنی آر سی ای پی کا آٹھواں وزارتی اجلاس ستائیس تاریخ کو ویڈیو لنک کے ذریعے منعقد ہوا جس کے بعد جاری مشترکہ پریس ریلیز میں کہا گیا ہے کہ آر سی ای پی معاہدہ وبا کے بعد بحالی ، علاقائی و عالمی اقتصادی ترقی کے استحکام کو برقرار رکھنے میں اہم کردار ادا کرے گا۔
پریس ریلیز میں کہا گیا ہے کہ وزرائ کے خیال میں وبا کے چیلنج کا مقابلہ کرنے کے لیے آر سی ای پی مذاکرات میں شرکت کرنے والوں سمیت خطے کے مختلف ممالک کی منڈیوں کو کھولنے کی ضرورت ہے۔ساتھ ہی تعاون اور ہم آہنگی بھی بہت ضروری ہے۔
وزراء کے خیال میں آر سی ای پی معاہدے پر دستخط تجارتی اعتماد کو بڑھائیں گے،علاقائی اقتصادی یکجہتی کو فروغ دیں گے ، علاقائی و عالمی صنعتی چین اور سپلائی چین کے استحکام کو برقرار رکھیں گے۔ یہ اقدامات کثیرالجہتی تجارتی نظام کی حمایت کا مظہر ہوں گے۔
آسیان کے دس ممالک ، چین ،جاپان ، جنوبی کوریا،آسٹریلیا اور نیوزی لینڈ کے نمائندوں کے علاوہ آسیان کے سیکرٹری جنرل نے اس اجلاس میں شرکت کی۔