افغانستان کے اول نائب صدر بم حملے میں بال بال بچ گئے

مقامی میڈیا کے مطابق افغانستان کے اول نائب صدر امراللہ کابل میں بدھ کی صبح رش کے اوقات میں ایک بم حملے میں بال بال بچ گئے۔آرین ٹی وی کے مطابق بم حملے کانشانہ امراللہ کی گاڑی تھی۔دھماکے میں امراللہ کے قافلے میں شامل کچھ گاڑیوں کو نقصان پہنچا ہے۔

وزارت داخلہ کے ایک اہلکار نے سنہوا نیوز ایجنسی کو بتایا کہ بم دھماکے میں دس افراد ہلاک جبکہ پندرہ زخمی ہوئے اور نزدیکی آبادی کو نقصان پہنچا۔

دھماکہ ایک ایسے وقت میں ہوا ہے جب طالبان اور حکومت کے درمیان امن مذاکرات جاری ہیں۔تا حال کسی گروہ نے حملے کی ذمہ داری قبول نہیں کی ہے۔