امریکہ کا عراق اور افغانستان میں فوجی اہلکاروں کی تعداد میں کمی کا فیصلہ

امریکی سینٹرل کمانڈ کے کمانڈر کینتھ میکنزی نے نو تاریخ کو کہا کہ رواں ماہ کے اواخر تک عراق میں امریکی فوجیوں کی تعداد کم ہو کر تقریباً 3000 رہ جائے گی جبکہ نومبر تک افغانستان میں امریکی فوجیوں کی تعداد 4،500 رہ جائے گی۔

امریکی میڈیا رپورٹس کے مطابق کینتھ میکنزی نے دورہ عراق کے دوران امریکہ کی قیادت میں داعش کے خلاف بین الاقوامی اتحاد کی ایک سرگرمی میں کہا کہ عراقی مسلح افواج کی بہتر کارکردگی کے پیش نظر ، امریکہ نے عراقی حکومت اور بین الاقوامی اتحادیوں سے مشاورت کے بعد عراق میں تعینات امریکی فوجیوں کی تعداد میں کمی کا فیصلہ کیا ہے۔ انہوں نے کہا کہ عراق میں امریکی فوجیوں کی تعداد میں کمی کے بعد بھی داعش کی باقیات کے خاتمے میں مدد فراہم کی جائے گی۔