پاکستان کا بین الافغان مذاکرت کا خیر مقدم

پاکستان نے جمعہ کے روز ہفتہ سے قطر میں شروع ہونے والے بین الافغان مذاکرات کا خیر مقدم کیا ہے۔

جمعرات کو افغان حکومت، امریکہ ،طالبان اور قطر نے اعلان کیا کہ طالبان اور افغان حکومت کی ایک ٹیم کے درمیان ہفتہ کو مذاکرات منعقد ہوں گے۔

افغانستان کیلئے پاکستان کے خصوصی نمائندے محمد صادق نے جمعہ کو ایک ٹویٹ میں کہا"پاکستان ۱۲ستمبر کو دو حا میں منعقد ہونے والے تاریخی بین الافغان مذاکرات کا خیر مقدم کرتاہے ۔ہم امید کرتےہیں کہ یہ مذاکرات افغانستان میں پائیدار امن کے قیام کی طرف رہنمائی کریں گے،

جس سے ملک میں خوشحالی آئے گی۔پاکستان اس عمل کی حمایت جاری رکھے گا"۔