شمالی افغانستان میں مسلح جھڑپ کے دوران آٹھ عسکریت پسند ہلاک

صوبائی پولیس کے ایک بیان میں بتایا گیاہے کہ جمعرات کے روز شمالی افغانستان کے صوبے فریاب کے ضلع سبز پوش میں آٹھ عسکریت پسندوں کو ایک جھڑپ کے دوران ہلاک کر دیا گیاہے۔

بیان کے مطابق طالبان نے رات کے پچھلے پہرمذکورہ ضلع کے انا بیگ گاوں میں پولیس کی ایک چوکی پر دھاوا بول دیا جس کے جواب میں کارروائی کرتے ہوئے پولیس نے موقع پر آٹھ عسکریت پسندوں کو ہلاک اور پانچ کو زخمی کردیا۔ بیان میں مزید بتایا گیا کہ جھڑپ کے دوران ایک مقامی شہری بھی زخمی بھی ہوا۔طالبان نے اس بارے میں ابھی تک کوئی تبصرہ نہیں کیا ہے۔