نوبل امن انعام ۲۰۲۰ ورلڈ فوڈ پروگرام کے نام ، اقوام متحدہ کے سیکریٹری جنرل کی مبارکباد

نو اکتوبر کو اقوام متحدہ کے سیکرٹری جنرل انتونیو گوتریس نے ورلڈ فوڈ پروگرام کو دو ہزار بیس کا نوبل امن انعام جیتنے پر مبارکباد پیش کرتے ہوئے کہا کہ اس وقت دنیا کو وبا اور دیگر چیلنجز سے نمٹنے کے لیے ورلڈ فوڈ پروگرام میں رواں جذبہِ اتحاد کی اشد ضرورت ہے۔

انہوں نے کہا کہ خوراک کی حفاظت کےعالمی بحران سے نمٹنے کے لیے سب سے پہلے ورلڈ فوڈ پروگرام حرکت میں آیا ، اس کے اہل کار خطرات، مشکلات اور طویل فاصلوں کے باوجود بحران اور مصائب میں گھرے لوگوں ،بھوک سے نڈھال بچوں اور خاندانوں کے لیے خوراک بھیجتے ہیں۔ بیان میں کہا گیا ہے کہ ورلڈ فوڈ پروگرام کا آپریشن سیاسی دائرے سے ماورا ہے اور وہ انسانی ہمدردی کے تحت کارفرما ہے ۔اس کی بقا اقوام متحدہ کے رکن ممالک اور عوامی عطیات پر منحصر ہے۔ موجودہ عالمی صورتحال کے پیش نظر، پوری دنیا کو اتحاد کے اس جذبے کی ضرورت ہے۔