دو ہزار انیس عالمی ڈیجیٹل معیشت : امریکہ پہلے چین دوسرے نمبر پر

چودہ تاریخ کو دو ہزار بیس چائنا بین الاقوامی انفارمیشن اور کمیونیکیشن ایکسپو کے موقع پر جاری ایک رپورٹ کے مطابق دوہزار انیس میں ڈیجیٹل معشیت کے حجم کے لحاظ سے امریکہ پہلے جب کہ چین دوسرے نمبر پر رہا۔
دو ہزار انیس میں امریکہ کی دیجیٹل معیشت کی کل مالیت 13.1 بلین امریکی ڈالر بنی جب کہ چین میں یہ مالیت 5.2 بلین ڈالر رہی۔جرمنی ،جاپان اور برطانیہ باترتیب تیسرے تا پانچویں نمبر پر آئے۔
چائنا اکیڈمی آف انفارمیشن اینڈ کمیونکیشن کے سربراہ لیو دو نے کہا کہ اقتصادی کسادبازاری کے باوجود ڈیجیٹل معیشت میں اضافہ ہورہا ہے۔انہوں نے کہا کہ ڈیجیٹل معیشت کو فروغ دینا مختلف ممالک کی اقتصادی بحالی کے لیے کلیدی اقدام ہے اور یہ عالمی اقتصادی اضافے کی مضبوط قوت بن چکی ہے۔