ہرڈ امیونٹی یا اجتماعی مدافعت قتل عام کا دوسرا نام ہے ، امریکہ ماہر

امریکی سائنس دان ولیم ہسلٹن نےمقامی وقت کے مطابق چودہ تاریخ کو امریکی میڈیا کو انٹرویو دیتے ہوئے کہا کہ وہ ہرڈ امیونٹی کی اصطلاح سے بہت پریشان ہیں اور ان کے خیال میں ہرڈ امیونٹی قتل عام کیلئے ایک اور اصطلاح ہے۔ یہ ایک ناقابل تردید حقیقت کہ جس طرح ٹرمپ انتظامیہ وبا کے بارے میں بات کررہی ہے اگر اسی طرح وباکے پھیلاؤ کی اجازت دی جاتی ہے ، تو ہر سال امریکہ میں دو سے چھ ملین اموات ہوسکتی ہیں ۔ولیم ہسلٹن کے خیال میں امریکہ کے لیے یہ ایک المیہ ہے کہ حکومت کے اعلی رہنماوں نے صحت عامہ کے بہترین اہل کاروں کی مخالفت کی ہے۔ لوگوں کو معلوم ہے کہ اس وبا پر قابو پانا ممکن ہے ۔ دوسرے ممالک پہلے ہی یہ کام کر چکے ہیں ، لیکن امریکہ اس کے بالکل برعکس چل رہا ہے۔
ایک اور اطلاع کے مطابق، 12 اکتوبر کو امریکہ میں دوسری مرتبہ وبا سے متاثر ہونے کے پہلے کیس کی رپورٹ کے بعد ، کووڈ-۱۹ انفیکشن کے بعد انسانی جسم کی قوت مدافعت کی حیثیت امریکی سائنسی برادری کی توجہ کا مرکز بن گئی ہے۔کچھ ماہرین کا خیال ہے کہ وبا سے دوبارہ متاثر ہونے کا مطلب ہے کہ کووڈ-۱۹ کی اینٹی باڈیز زندگی کو محفوظ نہیں بناسکتیں، اور بحالی کے بعد مریض دوبارہ متاثر ہوسکتا ہے۔ یہ کیس ظاہر کرتا ہے کہ ہرڈ امیونٹی یا اجتماعی مدافعت حاصل کرنے کے لیے غیر فعالیت پر انحصار کرنے کی حکمت عملی کارگر نہیں ہے۔