چین عالمی معیشت کی قوتِ محرکہ ہے ، روسی صدر

انتیس اکتوبر کو روسی صدر ویلادیمیر پوتن نے انوسٹمنٹ فورم کی کل رکنی کانفرنس میں کہا کہ اس بات کو تسلیم کرنا ہو گا کہ چین عالمی معشیت کی قوتِ محرکہ ہے۔باوجود یہ کہ معاشی شرح نمو چین کے طے شدہ ہدف تک نہیں پہنچی،لیکن اس کے باوجود چین کی شرح نمو کافی نمایاں ہے۔

روسی صدر کے مطابق روس ، ایشیا بحرالکاہل کے علاقے کو ترقی کے امکانات کے ساتھ ایک اہم منڈی سمجھتا ہے اور اس خطے کے ساتھ معاشی تعاون کو مضبوط کرنے کو بے حداہمیت دیتا ہے۔توانائی کے شعبے میں روس ایشیائی ممالک خاص طور پرچین ، جاپان اور بھارت کے لیے قدرتی گیس کی فراہمی کو تیزی سے آگے بڑھا رہا ہے ۔