عالمی ادارہ صحت کے ڈائریکٹر جنرل کا خود کو قرنطین کرنے کا فیصلہ

یکم نومبر کو عالمی ادارہ صحت کے ڈائریکٹر جنرل ٹیڈروس ایڈاہانوم گیبریسس نے ایک سوشل میڈیا پوسٹ میں اس بات کی تصدیق کی کہ وہ ایسے افراد سے رابطے میں آئے ہیں جن کا نوول کورونا وائرس ٹیسٹ مثبت آیا ہے۔ فی الحال وہ تندرست ہیں اور وائرس سے متاثر ہونے کی کوئی علامات بھی ظاہر نہیں ہوئی ہیں۔ ٹیڈروس کے مطابق وہ خود کو قرنطین کریں گے اور عالمی ادارہ صحت کے اصولوں پر عمل درآمد کرتے ہوئے گھر سے پیشہ ورانہ امور جاری رکھیں گے۔
انہوں نے اس بات پر زور دیا کہ ہر فرد صحت کے حوالے سے اہم ہدایات کی پاسداری کرے تاکہ کووڈ-۱۹ کے پھیلاو کے سلسلے کو روکا جا سکے اور صحت کے نظام کا تحفظ کیا جا سکے۔ٹیڈروس نے یہ عزم ظاہر کیا کہ وہ ڈبلیو ایچ او کے اراکین اور دیگر شراکت داروں کے ساتھ مل کر انسانی جانیں بچانا اور کمزور طبقے کا تحفظ جاری رکھیں گے۔