اقوام متحدہ میں چینی مندوب کی امن پولیس دستوں کے تحفظ اور استعداد کار میں اضافے پر زور

اقوام متحدہ میں چین کے مستقل مندوب جانگ جون نے چار تاریخ کو سلامتی کونسل کے ایک مذاکرے میں امن پولیس دستوں کے تحفظ اور اُن کی استعداد کار میں اضافے پر زور دیا۔
جانگ جون نے کہا کہ رواں سال چین کی جانب سے اقوام متحدہ کی تحفظ امن سرگرمیوں میں شمولیت کے لیے امن پولیس دستے بھیجنے کی بیسویں سالگرہ منائی جا رہی ہے۔ گزشتہ بیس برسوں کے دوران چین نے چھبیس سو سے زائد پولیس اہلکار بھیجے ہیں جبکہ آٹھ پولیس اہل کاروں نے اپنی جانوں کا نذرانہ بھی پیش کیا ہے۔ اس وقت تقریباً تیس چینی پولیس اہل کار جنوبی سوڈان اور قبرص کے امن مشنز میں خدمات سرانجام دے رہے ہیں۔
گزشتہ بیس برسوں میں چینی پولیس نے اقوام متحدہ کے امن مشنز میں اہم کردار ادا کیا ہےاور اقوام متحدہ کے امن پولیس کے نصب العین کی ترقی اور عالمی امن و سلامتی کے تحفظ کے لیے نمایاں خدمات سرانجام دی ہیں۔