پیرس معاہدے کی مضبوطی کے ساتھ حمایت جاری رہے گی ، اقوام متحدہ

مقامی وقت کے مطابق چار تاریخ کو اقوام متحدہ کے سیکرٹری جنرل کے ترجمان نے کہا کہ اس سے قبل اقوام متحدہ کے موسمیاتی تبدیلی سے متعلق فریم ورک کنونشن اور بہت سارے ممالک نے بیانات جاری کیے ہیں جس میں کہا گیا ہے کہ کرہ ارض اور بنی نوع انسان کی حفاظت اور موسمیاتی تبدیلیوں سے نمٹنا انتہائی اہم کام ہیں۔ اقوام متحدہ پیرس معاہدے کی مضبوطی سے حمایت کرتا رہے گا۔

امریکی حکومت نے ایک سال قبل اقوام متحدہ کو خط لکھا تھا جس میں بتایا گیا تھا کہ امریکہ پیرس معاہدے سے دستبرداری کاعمل شروع کررہا ہے ۔انخلا کے عمل میں ایک سال کا عرصہ لگا ۔امریکہ رواں سال 4 نومبر کو "پیرس معاہدہ" سے باضابطہ طور پر دستبردار ہوگیا ہے ، اور اس طرح معاہدہ سے الگ ہونے والا واحد ملک بن گیا۔