ڈبلیو ٹی او نے نئے ڈائریکٹر جنرل کے انتخاب سے متعلق فیصلہ ملتوی کردیا

عالمی تجارتی تنظیم کی جنرل کونسل کے چیئرمین ڈیوڈ واکر نے چھ تاریخ کو جاری اپنے ایک بیان میں کہا کہ وبا کی موجودہ صورتحال اور دیگر عوامل سے متاثر ہونے کی وجہ سے عالمی تجارتی تنظیم کے ممبران 9 نومبر کو نئے ڈائریکٹر جنرل کے انتخاب کے بارے میں باضابطہ فیصلہ نہیں کرسکیں گے۔ اس لیے مقررہ منصوبے کے مطابق نو تاریخ کو منعقد ہونے والا جنرل کونسل کا خصوصی اجلاس ملتوی کرنے کافیصلہ کیا گیا ہے ۔ انہوں نے مزید کہا کہ وہ وبلیو ٹی او کے ممبران کے ساتھ نئے ڈائریکٹر جنرل کے بارےمیں بات چیت کرنے پر تیار ہیں ۔

یاد رہے کہ اٹھائیس اکتوبر کو عالمی تجارتی تنظیم کے ترجمان کیتھ راک ویل نے اعلان کیا تھا کہ نائجیریا سے تعلق رکھنے والی امیدوار نگوزی اوکونجو۔یویلا کو نئے دائریکٹر جنرل کی حیثیت سے جنرل اسمبلی میں پیش کیا جائے گا تاہم امریکہ نے اس کی مخالفت کی تھی ۔

دریں اثنا سوئٹزرلینڈ کی ریاست جنیوا میں کووڈ -۱۹ کی وبائی صورتحال بہت سنگین ہے جہاں ڈبلیو ٹی او کاہیڈ کوارٹر واقع ہے۔ وہاں دو سے انتیس نومبر تک نیم لاک ڈاؤن کا اعلان کیا گیا تھا اور اس مدت کے دوران عوامی مقامات پر پانچ سے زیادہ افراد کے جمع ہونے پر پابندی عائدہے۔