چینی ضیافت: زبیر بشیر کے ساتھ

عید الضحی کی خوشی میں اسلامک ایسوسی ایشن آف چائنہ  کی جانب سے بیجنگ میں مقیم  مسلمانوں کے اعزاز میں استقبالیہ

اسلامک ایسوسی ایشن آف چائنہ  کی جانب سے  بیجنگ میں مختلف شعبوں میں خدمات سرا نجام دینے والے مسلمانوں کے اعزاز میں عیداالضحی کی مناسبت سے ایک استقبالیے کا اہتمام کیا گیا ہے۔

اس عشائیے میں خصوصی طور پر چینی کی قومی عوامی کانگریس، چینی عوامی سیاسی مشاورتی کانفرنس اور   ریاستی کونسل کے نمائندگان بھی خصوصی طور پر شریک ہیں۔

اس  استقبالیے میں اس وقت  بیجنگ میں قائم  30 سے زائد اسلامی ممالک کے سفارتخانوں میں خدمات سرانجام دینے والے سفارتی عملے کے ارکان،  چائنہ ریڈیو انٹرنیشنل  سمیت مختلف شعبوں سے وابستہ غیرملکی ماہرین، یونیورسٹیوں میں زیر تعلیم طلبا  اور  اسلامک ایسوسی ایشن آف چائنہ  کے عہدیداران سمیت مسلمانوں کی ایک بڑی تعداد موجود ہے۔

اس موقع پر  اسلامک ایسوسی ایشن آف چائنہ  کے صدر  نے مسلمانوں کے لئے نیک تمناوں کا  اظہار کیا اور انہیں عید کی مبارک باد پیش کی ۔

 زبیر بشیرچائنہ ریڈیو انٹر نیشنل بیجنگ