چین میں دنیا کا سب سے بڑا اوسط آمدنی والا طبقہ وجود میں آیا ہے

چین میں  دنیا کا سب سے بڑا اوسط آمدنی والا طبقہ وجود میں آیا ہے

چین کے  وزیر اعظم لی کہ چھیانگ نے حکومتی ورکنگ رپورٹ پیش کرتے ہوئے مزید کہا کہ گزشتہ پانچ سالوں کے دوران چین میں چھ کروڑ اسی لاکھ لوگوں کو غربت کی لکیر سے نکالا گیا ہے ۔غربت کے خاتمے کی کوششوں کے سلسلے میں تراسی لاکھ لوگوں کو  بہتر مقامات پر منتقل کیا گیا ہے۔ شرح غربت دس اعشاریہ دو فیصد سے تین اعشاریہ ایک فیصد تک کم ہوئی ہے۔ چینی شہریوں کی سالانہ آمدنی میں سات اعشاریہ چار فیصد کا اضافہ ہوا ہے، جو اقتصادی ترقی کی موجودہ رفتار سے بڑھ گئی ہے۔ان اقدامات کی بدولت چین میں ایک ایسا اوسط آمدنی والا طبقہ وجود میں آیا ہے جس کی آبادی دنیا بھر میں سب سے زیادہ ہے۔ بیرون ملک چینی سیاحوں کی تعداد آٹھ کروڑ تیس لاکھ سے تیرہ کروڑ تک جاپہنچی ہے۔ نوے کروڑ چینی لوگوں کو سماجی پنشن بیمہ حاصل ہے جبکہ ایک ارب پینتیس کروڑ پچاس لاکھ لوگوں کو بنیادی طبی انشورنس حاصل ہے جس سے دنیا میں ایک سب سے بڑا سوشل سیکورٹی نیٹ ورک قائم کیا گیا ہے۔ زندگی کی اوسط عمر  چھتر اعشاریہ سات تک جاپہنچی ہے۔