روسی وزیرخارجہ سیرگئی لاوروف  نے منگل کے روز مطالبہ کیا ہے یوکرین میں موجود حیاتیاتی لیبارٹریوں کی تصدیق کا طریقہ کار وضع کیا جائے اور ان لیبارٹریوں کا معائنہ کروایا جائے۔ ان کا کہنا تھا کہ یوکرین میں امریکہ کی مالی اعانت سے چلنے والی  یہ حیاتیاتی لیبارٹریاں باعث تشویش ہیں۔
سرگئی لاوروف کا کہنا تھا کہ یوکرین میں امریکی مالی اعانت سے چلنے والی حیاتیاتی لیبارٹریوں کے مسئلے کو حیاتیاتی اور مہلک ہتھیاروں کے کنونشن کے فریم ورک کے مطابق حل کیا جانا چاہیے۔ لاوروف نے کہا  کہ یوکرین میں 30 سے زائد بائیو لیب کے علاوہ، امریکہ نے دوسرے ممالک میں "ایسی سینکڑوں لیبارٹریز" قائم کر رکھی ہیں۔