پچیس اپریل کو  نیویارک میں اقوام متحدہ کی سلامتی کونسل نے مشرق وسطیٰ میں فلسطین کے سوال پر کھلی بحث کا انعقاد کیا۔ اقوام متحدہ میں چین کے مستقل نمائندے چانگ جون نے کہا کہ فلسطین اور اسرائیل کی صورتحال میں کشیدگی کے ایک نئے دور کا سامنا ہے۔ اسرائیلی سیکورٹی فورسز کی جانب سے فلسطینی شہریوں کی زیادہ ہلاکتیں ہوئی ہیں۔ اسرائیلی پولیس نے بار بار مسجد اقصیٰ میں گھس کر فلسطینیوں کے ساتھ جھڑپیں شروع کیں جس سے تنازعہ مزید شدت اختیار کر گیا۔ غزہ کی پٹی اور اسرائیل ایک دوسرے پر راکٹ فائر کر رہے ہیں جس سے مزید خطرات بڑھ رہے ہیں۔ اسرائیلی شہریوں کے خلاف بھی وقتاً فوقتاً حملے ہوتے  رہے ہیں۔
چانگ جون نے کہا کہ چین عام شہریوں کے خلاف تمام حملوں کی مذمت کرتا ہے اور ایسے تمام اقدامات کی مخالفت کرتا ہے جو مذہبی مقدس مقامات کی تاریخی حیثیت کی خلاف ورزی کرتے ہیں۔ ہم تمام فریقین، خاص طور پر اسرائیل سے مطالبہ کرتے ہیں کہ وہ تحمل کا مظاہرہ کرے اور صورتحال کو بڑھنے یا کنٹرول سے باہر ہونے سے روکے۔ فلسطین۔اسرائیل تنازعہ کے بار بار بڑھنے کی بنیادی وجہ یہ ہے کہ فلسطینی عوام کے جائز قومی حقوق کا کبھی ادراک نہیں کیا گیا اور نہ ہی "دو ریاستی حل" پر عمل درآمد کیا گیا۔