زیادہ تر افریقی نژاد امریکی ،نسل پرستی کے باعث حملے کا ہدف بنائے جانے پر متفکر ہیں ، سروے
اکیس مئی کو واشنگٹن پوسٹ اور Ipsos کے زیر اہتمام کیے گئے ایک سروے کے مطابق ، نیو یارک کے شہر بفیلو میں ہونے والے فائرنگ کے بڑے واقعات کے بعد سے پچھتر فیصد افریقی نژاد امریکی، نسل پرستی کی وجہ سے خود کو یا اپنے عزیز و اقارب کو حملے کا ہدف بنانے کے حوالے سے بے حد تشویش کا شکار ہیں۔ان کے مطابق آج ، "سفید فام بالادستی"، افریقی نژاد امریکیوں کے لیے سب سے بڑا خطرہ ہے۔چھیاسٹھ فیصد افریقی نژاد امریکیوں کے مطابق گزشتہ پانچ سالوں میں سفید فام بالادستی کا خطرہ سنگین سے سنگین تر ہوا ہے۔
