پاپولر سائنس نامی ویب سائٹ پر شائع ایک مضمون میں نشاندہی کی گئی ہے کہ اعلی آمدن
والے ممالک میں سے امریکہ میں حاملہ خواتین کی شرح اموات سب سے زیادہ ہے اور تحقیق
کے مطابق کووڈ-۱۹کے دوران یہ شرح مزید بدتر ہوگئی۔
امریکی قومی مرکز برائے
شماریاتِ صحت (NCHS) کی رواں سال کے شروع میں جاری ہونے والی ایک رپورٹ کے مطابق
اس وائرس نے حاملہ خواتین کو بری طرح متاثر کیا، 2019 کے مقابلے میں 2020 میں ہونے
والی اموات کی شرح میں 18 فیصد اضافہ ہوا۔جب کہ 2020 میں مجموعی شرح اموات میں 16
فیصد اضافہ ہوا۔جب کہ 28 جون کو JAMA نیٹ ورک پر شائع ہونے والی یونیورسٹی آف
میری لینڈ اور بوسٹن یونیورسٹی کے ایک تحقیق کے مطابق ، حاملہ خواتین کی شرح اموات
میں اصل اضافہ تقریباً NCHS کی ابتدائی رپورٹ سے دوگنا تھا جب کہ تحقیق سے یہ بات
بھی سامنے آئی ہے کہ سیاہ فام اور ہسپانوی مائیں زیادہ متاثر ہوئیں۔