چودہ اگست کو امریکی سینیٹر ایڈ مارکی نے چین کے علاقے تائیوان کا دورہ کیا۔ یہ دورہ ایک چین کے اصول ، چین -امریکہ تین مشترکہ اعلامیوں نیز چین کی خود مختاری اور علاقائی سالمیت کی خلاف ورزی ہے۔چینی وزارتِ دفاع کے ترجمان وو چھیان نے کہا کہ جزیرہ تائیوان کے ارد گرد سمندری اور فضائی حدود میں ایسٹرن تھیٹر کمانڈ کے زیر اہتمام منعقد کی جانے والی عسکری نوعیت کی حقیقی جنگی مشقیں، امریکہ اور تائیوان  کی ملی بھگت اور اشتعال انگیزی کے خلاف بھرپور ردعمل اور واضح  انتباہ ہیں۔
وو چھیان نے کہا کہ تائیوان ہمیشہ سے چین کا حصہ رہا ہے، چین امریکہ اور ڈی پی پی حکام کو خبردار کرتا ہے کہ چین کی وحدت کےعمل میں رکاوٹ ڈالنے کی کوئی بھی کوشش ناکام ہو گی۔  چینی پیپلز لبریشن آرمی نےخودمختاری اورعلاقائی سالمیت کا بھرپور دفاع کے لیے جنگ کی تربیت اور تیاری جاری رکھی ہوئی ہے اور تائیوان کی علیحدگی کی  تمام کوششوں کو ناکام بنایا جائے گا۔
اس حوالے سے پندرہ اگست کو چینی وزارت خارجہ کے ترجمان وانگ وین بین نے پریس کانفرنس میں کہا کہ بعض امریکی سیاستدانوں  کی جانب سے ایک چین کےاصول کو چیلنج کرنے کی سازش ناکامی سے دوچار ہوگی۔