امریکی صدر ڈونلڈ ٹرمپ نے مقامی وقت کے مطابق گیارہ تاریخ کو اعلان کیا کہ دو کھرب پچاس ارب ڈالر مالیت کی چینی مصنوعات پر اضافی محصولات کا نفاذ دس اکتوبر سے پندرہ اکتوبر تک ملتوی کر دیا جائے گا۔اس سے ایک دن قبل چین نے اپنی جانب سے عائد کئے جانے والے اضافی محصولات سے مستثنی امریکی مصنوعات کی فہرست جاری کی ۔سی آر آئی نے اس حوالےسے ایک تبصرہ شائع کیا جس میں نشاندہی کی گئی ہے کہ دونوں اطراف کی جانب سے حقیقی اقدامات نے مذاکرات کے لیے سازگار ماحول فراہم کیا ہے۔

چین اور امریکہ کے اقتصادی و تجارتی گروپوں کی قیادت نے پانچ تاریخ کو اتفاق کیا تھا کہ اکتوبر کے آغاز میں واشنگٹن میں اعلی سطحی چین امریکہ اقتصادی و تجارتی مذاکرات کے تیرہویں دور کا انعقاد کیا جائے گا۔مذاکرات سے قبل فریقین نے نیک خواہشات اور پرخلوص رویے کا اظہار کرتے ہوئے حقیقی اقدامات اختیار کیے جو قابل تحسین ہے۔

تبصرے میں نشاندہی کی گئی ہے کہ ایک سا ل سے زائد تجارتی کشمکش سے ظاہر ہے کہ تجارتی جنگ میں کسی کی جیت نہیں ہوگی۔مساوات اور باہمی احترام پر ثابت قدم رہنا ،دانشمندانہ رویے سے مذاکرات اور تعاون کرنا ہی اختلافات سے نمٹنے کا واحد درست راستہ ہو سکتا ہے۔