حال ہی میں این بی اے کے جنرل مینیجر کے ہانگ کانگ سے متعلق بے بنیاد بیان کے حوالے سے سی آر آئی نے آٹھ اکتوبر کو ایک تبصرہ شایع کیا جس میں کہا گیا ہے کہ ڈاریل موری کے بیان نے چینی پرستاروں کے جذبات کو ٹھیس لگائی ہے ۔ کچھ امریکیوں کا کہنا ہے کہ این بی اے کو چین کی ضرورت نہیں بلکہ چین کو این بی اے کی ضرورت ہے۔اس حوالے سے تبصرے میں کہا گیا ہے کہ دو ہزار دو میں ایک چینی کھلاڑی یاؤ منگ کی این بی اے میں شمولیت کی وجہ سے چینی عوام نے ہیوسٹن راکٹ کلب کو پسند کیا تھا اور دو ہزار انیس میں موری کے بے بنیاد بیانات ہیوسٹن راکٹ کلب کے لیے ان کی ناپسندیدگی کا باعث بھی بن سکتے ہیں، کیونکہ چینی عوام اپنے ملک سے محبت کرتے ہیں اور ہانگ کانگ امور پر بے بنیاد بیانات کی ہرگز اجازت نہیں دیتے ہیں۔

چین میں بڑی تعداد میں این بی اے کے پرستار موجود ہیں لیکن اسے پسند کیے جانے کا مطلب یہ نہیں ہے کہ وہ متکبر ہو جائے۔