چینی کمیونسٹ پارٹی کی سنٹرل کمیٹی کے پولیٹیکل بیورو کی قائمہ کمیٹی نے حال ہی میں وبا کی روک تھام اور کنٹرول پر ایک اجلاس طلب کیا۔ سی پی سی سنٹرل کمیٹی کے جنرل سکریٹری شی جن پھنگ نے اجلاس کی صدارت کی اور ایک اہم تقریر کی ، انہوں نے اس بات پر زور دیتے ہوئے کہا کہ اب سب سے اہم کام احتیاط سے تفصیلی کاموں کو انجام دینا ہے۔ یہ وبا کی روک تھام اور کنٹرول سے متعلق چین کے اعلی رہنماؤں کی تازہ ترین ہدایات ہیں اور وبائی امراض کی روک تھام اور قابو پانے کے سلسلے میں رہنمائی بھی ہے۔

صرف 10 دن میں ، مرکزی کمیٹی کی پولیٹیکل بیورو کی قائمہ کمیٹی نے وبا کی روک تھام اور اس کے کنٹرول سے متعلق اہم فیصلے کرنے کے لئے دو خصوصی اجلاس منعقد کیےہیں۔اس سے پوری طرح عکاسی ہوتی ہے کہ لوگوں کی زندگیوں کی حفاظت اور جسمانی صحت کو ہمیشہ اولین ترجیح دی جاتی ہے۔

موجودہ وبا کی روک تھام اور کنٹرول میں ، احتیاط سے تفصیلی کاموں کو انجام دینا چین کی معاشی اور معاشرتی ترقی کے استحکام سے وابستہ ہے۔ اس کا تعلق چین کے کھلے پن کے عمل سے بھی ہے۔ اس وبا کے بعد عالمی تجارت اور سیاحت ناگزیر طور پر متاثر ہوگی۔کچھ میڈیا نے بتایا کہ دنیا کو جلد ہی احساس ہوگیا کہ وہ چین پر کتنا انحصار کرتے ہیں۔ لہذا ، وبا پر قابو پانے کے متعلقہ امور میں چین کی جانب سے مسلسل بہتری اور اس وبا سے نمٹنے کے لئے کی جانے والی کوششیں اس بات کی عکاسی کرتی ہیں چین عالمی برادری کے لئے ذمہ دارانہ رویہ رکھتا ہے۔

اس میں کوئی شک نہیں کہ یہ وبا چین کے حکمرانی کے نظام اور صلاحیتوں کا ایک بڑا امتحان ہے۔ محتاط اقدامات کا نفاذ اس وبا کو شکست دینے اور اس امتحان میں کامیاب ہونے کی کلید ہے۔ فیصلہ سازی پر عمل درآمد اور کسی سمجھوتہ کے بغیر مستقل طور پر عمل درآمد کو بہتر بنانا ہوگا۔ چین یقینی طور پر وبائی امراض کی روک تھام اور کنٹرول کے خلاف جنگ میں کامیابی حاصل کرے گا۔