امریکی ویب سائٹ ڈیلی بیسٹ پر شائع ایک مضمون کے مطابق امریکی عہدیداروں کوبتایا گیا ہے کہ وہ ہر ممکن طریقے سے تمام الزام چین پر عائد کرنے کی کوشش کریں۔اس میں کوئی شک نہیں کہ اس وقت امریکی حکومت وبا کی سنگینی کا ملبہ دوسروں پر ڈالنے کی کوشش کر رہی ہے۔

تاہم عوام سب کچھ کھلی آنکھوں سے دیکھ رہے ہیں ۔وہ امریکی سیاستدانوں کے ڈرامو ں کو مزید تسلیم نہیں کریں گے ۔ عالمی سطح پر پہلے ہی امریکی سیاستدانوں کے غیرذمہ دارانہ بیانات پر تنقید کا سلسلہ شروع ہوگیاہے۔افسوس یہ ہے کہ امریکی سیاستدان اپنی ناکامی تسلیم کرنے کی بجائے اب چین اور کچھ دیگر ممالک کے درمیان اختلافات پیدا کرنے کی کوششوں میں لگ گئے ہیں۔

مثلاً امریکی وزیر خارجہ مائک پومپیو چین اور اٹلی کی دوستی خراب کرنے کی کوشش کررہے ہیں۔وائٹ ہاؤس میں تجارتی کمیٹی کے چیرمین پیٹر ناوارو نے کہا ہے کہ چین سازوسامان فراہم کرنے کا ڈھنڈورا پیٹ رہا ہے۔ دوسرے ملک کو بدنام کرنے سے لے کر ممالک کے درمیان تعلقات خراب کرنےتک ،بعض امریکی سیاستدان "سیاسی وائرس " کے پھیلاو کا باعث بن رہے ہیں جس سے کووڈ-۱۹ کے خلاف عالمی تعاون کی راہ میں سنگین رکاوٹیں پیدا ہورہی ہیں۔

جس طرح سانٹھوز نامی ایک نیٹیزن نے نشاندہی کی ہے کہ "امریکہ نے ایران پر پابندیاں لگائی ، چین نے مدد کی۔امریکہ نےیورپی ممالک پر اپنے ملک کے اندر سیروسیاحت کے دروازے بند کیے دوسری طرف چین نےاٹلی تک امداد اور طبی ٹیمیں بھیجیں۔سب ممالک کو پتہ چل رہا ہے کہ حقیقی دوست کون ہے۔