شی جن پھنگ نے این پی سی کے سالانہ اجلاس میں اندرون منگولیا کے وفد کی نظرثانی کے عمل میں شرکت کی

چینی صدر شی جن پھنگ نے پانچ تاریخ کی سہ پہر کو این پی سی کی تیرہویں قومی کانگریس کے پہلے سالانہ اجلاس میں شریک اندرون منگولیا کے وفد کی  نظرثانی کے عمل میں حصہ لیا۔
یاد رہے کہ رواں سال تیس جنوری کو شی جن پھنگ  چین کے خود اختیار علاقے  اندرون منگولیا کی عوامی کانگریس کی تیرہویں کمیٹی کے پہلے اجلاس میں قومی عوامی کانگریس کی تیرہویں قومی کمیٹی کے مند وب منتخب ہوئے۔
پانچ تاریخ کی سہ پہر کو شی جن پھنگ نے کہا کہ انہوں نے اس لیے اندرون منگولیا خوداختیار علاقے کے  انتخابات میں حصہ لیا تھا جس سے اس بات کا اظہار ہو کہ اقلیتی قومیت کی آبادی اور سرحدی علاقوں کے لیے چینی کمیونسٹ پارٹی کی مرکزی کمیٹی کی توجہ اس جانب  مرکوز ہے۔ انہوں نے اس بات پر زور دیا کہ چینی کمیونسٹ پارٹی کی مرکزی کمیٹی کم ترقی والے علاقوں کی ترقی اور غربت کے خاتمےکے  لیے پرعزم ہے۔