پاکستان کے عام انتخابات کے اثرات چین پاک تعلقات پر مرتب نہیں ہونگے۔ چینی وزارت خارجہ

چین کی وزارت خارجہ کی ترجمان محترمہ ہوا چھون انگ نے چار تاریخ کو بیجنگ میں  پاکستان کے عام انتخابات کا ذکر کرتے ہوئے کہا کہ پاکستان کے عام  انتخابات کا جو بھی نتیجہ نکلے ، اس سے چین پاک چار موسموں کے تعاون کے تزویراتی تعلقات متاثر نہیں ہونگے۔
محترمہ ہوا چھن انگ نے کہا کہ ہمیں معلوم ہے  کہ پاکستان کے عام انتخابات جولائی کے آخر میں منعقد ہونگے۔ چین کو امید ہے کہ انتخابات مستحکم طریقے سے پایہ تکمیل کو پہنچیں گے  ۔ ہمیں یقین ہے کہ انتخابات کا کوئی بھی نتیجہ  نکلے اس سے  چین پاک چار موسموں کے تعاون کے تزویراتی تعلقات متاثر نہیں ہونگے۔
معلوم ہوا ہے کہ  پاکستان کے عام انتخابات پچیس جولائی کو منعقد ہونگے جبکہ موجودہ حکومت کی پانچ سالہ  مدت اکتیس مئی کو  ختم ہو چکی ہے۔عام انتخابات کے لیے اور نئی حکومت کی تشکیل  سے قبل کے  عرصے کے لیے پاکستان کے ریٹائرڈ  جسٹس ناصر الملک نے نگران وزیر اعظم کا عہدہ سنبھال لیا ہے۔