چین کی پرل کانٹیننٹل ہوٹل گوادر پر ہونے والے دہشت گرد حملے کی سخت مذمت　

چین کی وزارت خارجہ کے ترجمان گنگ شوانگ نے تیرہ تاریخ کو گوادر پورٹ فری زون کے قریب واقع پرل کانٹیننٹل ہوٹل پر ہونے والے دہشت گردانہ حملے کے حوالے سے کہا کہ چین اس دہشت گردحملے کی سخت مذمت کرتاہے اور متاثرین اور زخمیوں کے خاندانوں کے ساتھ تعزیت کا اظہار کرتاہے. انہوں نے کہا کہ پاکستان کے متعلقہ ذرائع کے مطابق، اس حملے میں چینی شہریوں کی ہلاکتوں کی کوئی اطلاع نہیں ہے.

گنگ شوانگ نے کہا کہ پاکستانی سیکیورٹی فورسز نے دہشت گردوں کو فوری طور مار ڈالا اور گوادر کی سلامتی و استحکام اور وہاں پر موجود چینی عملے اور اداروں کی حفاظت کے لئے بروقت اقدامات کیے . چین ان کوششوں کو سراہتاہے اور اس پر پاکستان کا شکریہ ادا کرتا ہے . چین دہشت گردی کے خلاف پاکستان کی کوششوں کی مضبوطی سے حمایت جاری رکھے گا ۔چین سمجھتاہے کہ پاکستانی حکومت اور فوج میں قومی سلامتی اور استحکام کو برقرار رکھنے کی بھر پور صلاحیت ہے.پاکستانی وزیر اعظم عمران خان نے حملے کوپاکستان کی معیشت اور خوشحالی کو کمزور کرنے کی کوشش قرار دیتے ہوئے اس کی مذمت کی اور زور دیا کہ پاکستان دہشت گردوں کو کامیاب نہیں ہونے دے گا. چین ہمیشہ سے پاکستان کی قومی ترقی کاحامی رہا ہے اور پاکستان کی اقتصادی اور سماجی ترقی اور عوام کی معیار زندگی کو بہتر بنانے کے لئے اپنی حمایت جاری رکھے گا۔