ایشیائی تہذیب دنیا کی دوسری تہذیبوں کے ساتھ ترقی کر رہی ہے ۔شی جن پھنگ
پندرہ مئی کو چینی صدرشی جن پھنگ نے اپنے خطاب میں کہا کہ ایشیا کو اپنی تہذیب کے حوالے سے پر اعتماد ہونا چاہیئے اور دنیا کے دوسری تہذیبوں کے ساتھ روابط اور تبادلوں کو برقرار رکھتے ہوئے ایشیائی تہذیب کی نئی شان بنانے کی کوشش کرنی چاہیئے ۔
انہوں نے کہا کہ ایشیا انسانی تہذیب کے آغاز کا علاقہ ہے۔ ترقی کے ہزاروں سال پر محیط سفر میں ایشیائی عوام نے ایک شاندار تہذیب قائم کی اور باہمی ثقافتی و تہذیبی تبادلوں سے ایشیا کی تہذیبی ترقی کی ایک خوبصورت نظم ترتیب پائی ہے۔موجودہ دور میں دی بیلٹ اینڈ روڈ انیشئیٹو کے بعد سے ، یورپ ایشیا کےاقتصادی اتحاد کے قیام سمیت دیگر اقدامات سے تہذیبی تبادلوں کے معنی کو وسعت دی گئی ہے ۔ ایشیائی تہذیب ایشیا کے اندر بھی اور دنیا کی دوسری تہذیبوں کے ساتھ بھی روابط اور تبادلوں میں ترقی کر رہی ہے ،اس کے ساتھ ساتھ یہ دنیا کی دوسری تہذیبوں کے لیے کثیر انتخاب فراہم کرتی ہے۔