امریکہ کے جنگی بحری جہاز ہانگ کانگ بھیجنے کا مقصد، سی آر آئی تبصرہ
حال ہی میں دو امریکی جنگی بحری جہازوں نے ہانگ کانگ کا دورہ کرنے کی درخواست پیش کی جسے چینی حکومت نے مسترد کر دیا۔اس بارے میں سی آرآئی تبصرہ نگار نے یہ خیال ظاہر کیا کہ اس نازک گھڑی میں امریکہ کا جنگی جہاز بھیجنےکا اصل مقصد امریکہ ہی کو معلوم ہے۔
ماضی میں بھی امریکی جنگی جہاز وں نے کئی دفعہ ہانگ کانگ کا دورہ کیاہے۔ ہانگ کانگ کی وطن واپسی کے بعد امریکی جنگی بحری جہاز وں کے دورہ ہانگ کانگ کی تاریخ کا بغور جائزہ لیا جائے ، تو یہ واضح ہوتا ہے کہ یہ دورے چین اور امریکہ تعلقات کے عکاس سمجھے جاتے ہیں۔ امریکی جنگی جہاز نےاکثر ایسے اوقات میں ہانگ کانگ کےدورےکی درخواست پیش کی جب چین اس سے "ناخوش" تھا۔
چینی وزارت خارجہ کے ترجمان کن شوانگ نے اس معاملے کے بارے میں ایک سوال کے جواب میں کہا کہ امریکی فوجی جہاز کے ہانگ کانگ کا دورہ کرنے کی درخواست پر چین خودمختاری کے اصول اور مخصوص حالات کے مطابق غور کرتا ہے ۔ یہ واضح ہے کہ امریکی جنگی جہاز محض سپلائی کے لیے ہانگ کانگ کا دورہ کرنے کی درخواست پیش نہیں کر رہے ہیں ، بلکہ اس میں بہت سارے سیاسی عناصر شامل بھی ہیں۔