چین کی کیپٹل مارکیٹ کی اصلاحات کو فروغ دینے کا مزید واضح ہوتا اشارہ ۔سی آر آئی کا تبصرہ

چین کی ریاستی کونسل کے تحت مالیاتی مستحکم ترقیاتی کمیٹی نے حال ہی میں فیصلہ کیا کہ چین میں کیپٹل مارکیٹ کی اصلاحات کو مزید فروغ دیا جائے گا تاکہ وہ اعلی معیار کی اقتصادی ترقی کے لیے ایک حقیقی معاون کا کردار ادا کریں۔اس حوالے سے سی آر آئی نے دو ستمبر کو ایک تبصرہ شائع کیا جس کا عنوان ہے "چین کی کیپٹل مارکیٹ کی اصلاحات کو فروغ دینے کا واضح ہوتا اشارہ "۔تبصرے میں کہا گیا ہے کہ ایک ہفتے قبل چائنا سکیورٹیز ریگولیٹری کمیشن نے کہا تھا کہ چین میں کیپٹل مارکیٹ کی اصلاحات کا مجموعی فارمولہ بنیادی طور پر مکمل کر لیا گیا ہے۔اس سے چین کی کیپٹل مارکیٹ میں اصلاحات کو مزید گہرائی تک لانے کا اشارہ مزید واضح ہو رہا ہے اورکیپٹل مارکیٹ میں حقیقی معیشت کی خدمات کی صلاحیت مزید مضبوط ہوگی۔

قابل ذکر بات یہ ہے کہ حال ہی میں عالمی انڈیکس کمپنیوں نے یکے بعد دیگرے چین کے اے شیئرز پر اعتماد کا اظہار کیا۔ایف ٹی ایس ای رسل نے چین کے اے شیئرز کے انکلوژن فیکٹر کو پانچ فیصد سے پندرہ فیصد تک بڑھایا جب کہ ایم ایس سی آئی کے انڈیکس نے چین کے اے شیئرز کے انکلوژن فیکٹر کو دس فیصد سے پندرہ فیصد تک بڑھایا۔اصلاحات کو فروغ دینے کے ساتھ سرمایہ کاروں کی تعداد میں اضافہ ہو رہا ہے جس سے چین کی کیپٹل مارکیٹ کی مستحکم ترقی کو بھرپور قوت فراہم ہو گی۔