مختلف غیرملکی رہنماؤں کی جانب سے عوامی جمہوریہ چین کے قیام کی سترویں سالگرہ پر مبارک باد

حال ہی میں اقوام متحدہ اور دیگر ممالک کے سیاسی رہنماؤں نے غیرممالک میں چین کے سفارتخانوں یا قونصل خانوں میں منعقدہ چین کے قومی دن کی ضیافت میں شرکت کے موقع پر خطاب کیا۔اس موقع پر ان شخصیات نے عوامی جمہوریہ چین کے قیام کی سترویں سالگرہ کی پرجوش سے مبارکباد پیش کی۔

اقوام متحدہ میں مقیم چینی وفد کی ضیافت کے موقع پر سیکرٹری جنرل انتونیو گتریز نے اپنے تہنیتی پیغام میں اقوام متحدہ کے لیے چین کی حمایت کا شکریہ ادا کیا اور چین کی مزید کامیابیوں کے لیے نیک خواہشات کا اظہار کیا۔

افغانستان کے اول نائب چیف ایگزیکٹو محمد خان نے چین کے عظیم ثمرات کو خوب سراہتے ہوئے کہا کہ افغانستان چین کے ساتھ دوطرفہ تعلقات کو فروغ دینے کا خواہاں ہے تاکہ دونوں ممالک کے عوام کے مابین دوستی کو آگے بڑھایا جائے ۔