پاکستان میں ریل حادثےپر چینی وزیر خارجہ کا تعزیت کا اظہار

چین کے وزیر خارجہ وانگ ای نے یکم نومبر کو پاکستانی وزیر خارجہ شاہ محمود قریشی کے نام ایک تعزیتی پیغام بھیجا جس میں کہا گیا کہ پاکستان کے صوبہ پنجاب میں ریل گاڑی میں آگ لگنے کا حادثہ پیش آیا جس سے سنگین جانی نقصان ہوا ۔ وانگ ای نے اپنے پیغام میں جان بحق ہونے والوں کے لیے گہرے رنج و غم اور زخمیوں اور متاثرہ خاندانوں کےساتھ ہمدردی کا اظہار کیا ۔ انہوں نے کہا کہ دکھ کی اس گھڑی میں چینی عوام پاکستانی بھائیوں کے ساتھ کھڑی ہے ۔