چین کی دوسری درآمدی ایکسپو میں نئے شریک ممالک کی تعداد ایک تہائی سے تجاوز کر گئی
چین کی دوسری درآمدی ایکسپو پانچ سے دس نومبر تک شنگھائی میں منعقد ہو رہی ہے ۔ اس دفعہ ایکسپو کے اہم مہمان ممالک کی تعداد پندرہ ہو گی جبکہ پہلی ایکسپو میں یہ تعداد صرف بارہ تھی ۔ علاوہ ازیں چونسٹھ شریک ممالک میں ایک تہائی ممالک پہلی مرتبہ اس ایکسپو میں شرکت کررہے ہیں ۔ صنعتی و کاروباری اداروں کی تجارتی نمائش میں امریکہ ، جاپان ، جرمنی ، چین کے علاقے ہانگ کانگ اور جنوبی کوریا کا نمائشی رقبہ سب سے زیادہ ہے ۔ چالیس سب سے کم ترقی یافتہ ممالک تجارتی نمائش میں شرکت کررہے ہیں۔ موجودہ ایکسپو میں ہر ملک کو دو معیاری اسٹال مفت میں فراہم کیے گئے ہیں ۔
دوسری درآمدی ایکسپو کے دوران ہونگ چھیاو بین الاقوامی اقتصادی فورم بھی منعقد ہو گا جس میں تجارتی ماحول ، مصنوعی ذہانت ، عالمی تجارتی تنظیم میں اصلاحات ، ای کا مرس اور بنی نوع انسان کے ہم نصیب معاشرے کے قیام پر بحث کی جائے گی ۔