چینی صدر شی جن پھنگ : چین جامع کھلے پن کے نئے ڈھانچے کی تشکیل کو تیز تر کر رہا ہے
2019-11-05 11:33:14
چین کی دوسری بین الاقوامی درآمدی ایکسپو کی افتتاحی تقریب سے خطاب کرتے ہوئے چینی صدر شی جن پھنگ نے کہا کہ چین کے تمام شعبوں میں جامع کھلا پن ہے اور چین اس جامع کھلے پن کے نئے ڈھانچے کی تشکیل کے عمل کو تیز ترکر رہا ہے۔
انہوں نے واضح الفاظ میں کہا کہ چین آزاد آزمائشی تجارتی زونز کی حوصلہ افزائی کرتا رہے گا،ہائی نان آزاد تجارتی بندرگاہ کی تعمیر کو تیز بنایا جائے گا، بیجنگ-تھیان جن - حہ بئے کی مشترکہ ترقی ،دریائے یانگسی کی اقتصادی پٹی ، دریائےیانگسی ڈیلٹا کی علاقائی یکجتی،گوانگ دونگ-ہانگ کانگ-مکاؤ گریٹر بے ایریا کی ترقی اور تعمیر کو تسلسل کے ساتھ آگے بڑھایا جائے گا ۔اس کے ساتھ ساتھ دریائے زرد کے طاس میں حیاتیاتی تحفظ اور اعلی معیار کی ترقی کے حوالے سے نئی قومی حکمت عملی بنائی جائے گی۔