امریکی دھمکیوں کو " نہیں " کہیں ،برطانوی دانشور

لندن انسٹیٹیوٹ آف اکنامکس اینڈ پولیٹیکل سائنس کے ساؤتھ ایشین ریسرچ سینٹر کے سکیورٹی تجزیہ کار ہنان حسین نے تیرہ اپریل کو سی جی ٹی این کے لیے تحریر کردہ اپنے ایک تبصرے میں لکھا ہے کہ امریکی صدر ٹرمپ اور کانگریس کی چین مخالف قوتوں نے حال ہی میں عالمی ادارہِ صحت پر یہ الزام لگایا تھا کہ" اس کا جھکا و چین کی جانب ہے" ۔ اس کے نتیجے میں ، انہوں نے ڈبلیو ایچ او کو دیا جانے والا امریکی فنڈ بند کرنے کی دھمکی دی اور دوسری طرف چین کو بدنام کرنے کی کوشش کی ۔ لیکن حقائق سے ثابت ہوا ہے کہ امریکی سیاستدانوں کے یہ الزامات بے بنیاد ہیں ، اور لوگوں کو امریکی دھمکیوں کا انکار کرنا چاہیے۔

ہنان حسین نے نشاندہی کی کہ عالمی ادارہ صحت کے بارے میں امریکی حکومت کا مؤقف عالمی اتفاق رائے کی مکمل خلاف ورزی ہے۔ امریکی ریاستی عہدیدار ، عالمی طبی حکام اور امریکی طبی ماہرین نے اس وبا کے بارے میں ڈبلیو ایچ او کے ردعمل کی بے حد تعریف کی ہے۔ایک طرف انسداد وبا کے سلسلے میں امریکی حکومت کی نا اہلی پر لوگ بہت پریشان ہیں جبکہ دوسری طرف امریکی حکومت دنیا میں انسداد وبا کی عالمی جدوجہد کو بھی سبوتاژ کرتی چلی آ رہی ہے۔
ہنان حسین نے نشاندہی کی کہ ایسے میں ، ڈبلیو ایچ او کو فنڈز کی فراہمی بند کرنے کے عمل سے ایک بار پھر امریکی حکومت کی غلط حکمت عملی اور مجرمانہ غفلت ثابت ہوئی ہے۔ امریکی حکومت نے "وبائی امراض" کے خلاف لڑنے کے لیے تعاون کا انتخاب نہیں کیا ، اس کی بجائے وہ "وبا کے نام نہاد منبع " کو تلاش کرنے میں مصروف رہا ، جس سے لوگوں کے روایتی اخلاقی تصورات کو چیلنج کیا جا رہا ہے ۔